Nor gara
Erreferendum bidez erabakitzearen aldeko atxikimendu eta konpromiso pilaketa masiboa da ‘Hamaika Gara’ egitasmoa. Erabakitzeko eskubidea gauzatzearen aldeko jarrera nagusia ikustaraztea du helburu, eta Euskal Herriko lurraldeetan urrats eraginkorrak egitea.
Gure bizitzetan eta komunitatean eragiten duten auziei buruz erabakitzeko eskubide osoa dugu eta sinestuta gaude indarrak batzen baditugu, lortuko dugula beharrezko tresnak geureganatzea. Horregatik, Gure Esku herri mugimenduaren eta alor anitzetako eragileen arteko elkarlana eta sarea ditu oinarri egitasmoak
Herritarrok gure bidean aurrera egiteko indarra emango digu ekimen honek. Era berean, eskaera eskubidearen bidez, Araba Bizkaia eta Gipuzkoan jasotako sinadurak Eusko Legebiltzarrean entregatuko ditugu eta Nafarroan jasotakoak Nafarroako Parlamentuan. Behin sinadura bilketa amaitutakoan, elkarrekin, anbizioz eta epe luzeko begiradarekin emango ditugu hurrengo pausoak.
Herritarron garaia da. Indarrak batu eta aurrera egitekoa.
Zurekin, hamaika gara.
Herri erronka
Alor anitzetako eragile eta herritarron arteko elkarlan esparru berria.
Konpromiso bilketa masiboa
Erreferendumaren tresna geureganatzearen aldeko jarrera aktiboa.
Erakunde publikoei eskakizun soziala
Erabakitzeko tresnak behar ditugu herritarron eskura.
Epe luzeko begirada
Etapa berri baten abiapuntua da.
Sustatzaileak
Elkargunea deitu diogu, ‘Hamaika gara’ egitasmoa oinarri, alor anitzetako eragileon artean sortu dugun elkarlanerako espazioari. Gune ireki honetan biltzen ari gara burujabetzaren eta erabakitzeko eskubidearen alde gaudenon indarrak, elkarrekin aurrera egiteko.
Argi dugu herri bezala aurrerapauso eraginkorrak egin nahi baditugu, ezinbestekoa dugula elkarrekin, herri bezala ekitea: herritarrak, eragileak eta erakundeak eskutik helduta. Sinesmen horri helduta, harri sendoa jarri nahi dugu bide berri horretan.
