Hamaika Gara Solasaldiak

Naziometroa: termometro eta iparrorratz

Telesforo Monzon eLAB eta EHUko Parte Hartuz ikerketa taldearen lehen Naziometroaren ondorioak laburki aurkeztu ditu Arkaitz Fullaondo Batzorde Zientifikoko kideak, eta ondoren, Zelai Nikolas Gure Eskuko zuzendaritzako kideak Xabier Barandiaran EBBko kidearen, Floren Aoiz Iratzar Fundazioko buruaren eta Roberto Uriarte Unidas Podemoseko diputatuaren arteko solasaldia gidatu du.

Hizkuntza eta politika, normalizazioa helburu

Zein eragin dauka burujabetza gabeziak hizkuntzaren normalizazioan? Euskararen ikuspuntutik, zertarako behar dugu burujabetza? Zein ekarpen egin diezaioke euskalgintzak burujabetza prozesuari? Ane Zuazubiskar kazetariak Paul Bilbao Euskalgintzaren Kontseiluko idazkari nagusia elkarrizketatu du, eta segidan, Miren Segurola UEMAko koordinatzailearen, Garbiñe Ubeda Euskal Idazleen Elkarteko lehendakariaren eta zuzenbidean doktore den Eneritz Zabaletaren arteko solasaldia gidatu du.

Hezkuntza propio eta burujabe baterantz

Burujabetza gabeziak zein eragin dauka hezkuntza sisteman? Hezkuntzaren ikuspuntutik, zertarako behar dugu burujabetza? Nolakoa izango litzateke burujabeki eraiki nahiko genukeen hezkuntza eredua?

Galeusca: hiru herri erabakitzeko bidean

Amalur Alvarez (Gure Esku), Marcel Mauri (Omnium Cultural), Maria Xosé Bravo (Vía Galega). Martxelo Otamendi, Berria egunkariaren zuzendaria, moderatzaile lanetan.

* Bertsio originala, gazteleraz (versión original, en castellano): https://youtu.be/7yC1udKShOU

Ongizate krisia: salbuespen egoeran, erantzun berrien bila

Pandemiak krisi sozial eta ekonomiko larria eragin du. Ezohiko egoera honetan, ezohiko neurriak hartu dira, eta aurrerantzean ere halako gehiago hartu beharko dira. Nondik jo beharko genuke aurretik ere ahulduta zegoen ongizatea berreskuratzen eta zabaltzen hasteko? Zer garrantzi dauka burujabetzak honetan guztian?

Izaro Gorostidi EHUko Politika Zientzietako irakasleak Gotzone Sestorain baserritar eta Etxaldeko kidearen, Anjel Elias EHUko Enpresen Zuzenbideko irakaslearen eta Gaizka Suarez Eragin Bilboko kidearen arteko solasadia gidatu du.

Nork gobernatzen du (eta nork ez)? Gobernantza eredu berri baterantz

Non eta nork hartzen ditu erabakiak? Eta nola erabakitzen du? Bestelako gobernantza eredu bat posible da, baldin eta behetik gora eraikitzen badugu.

Tarana Karim Giza Eskubideen defendatzaile aktibistak, Amets Martinez de Heredia Lumagorri taldeko kideak, Jule Goikoetxea politologo feministak eta Manu Martinez Ernaiko kideak gobernantza eredu berriez eztabaidatu dute.

Espetxe politika: aro berria, oztopoak eta transferentziak

Gatazkaren konponbidean aurrera egiteko ezinbestekoa da salbuespenezko espetxe politika gainditzea. Horretarako urratsak ematen ari dira, baina oztopoak ere badaude, eta oraindik ere bidea egin beharra dago. Konponbidean aurrera egiteko falta diren urratsez eta erronkez hitz egingo dute Inaxio Oiarzabal eta Patricia Velez Sare eta Etxerateko bozeramaileek Ion Telleria kazetariarekin.